Jameel Aahmed Milansaar

Report : Jameel Milansaar  جمیل احمد ملنسارؔ، بنگلور | 9845498354 بنگلورو: کرناٹک حکومت نے کم عمری کی غیر قانونی شادیوں (چائلڈ میرج) کے خلاف سخت کارروائی کرتے ہوئے شادی کی رجسٹریشن کے دوران عمر کے ثبوت کے طور پر آدھار کارڈ کے استعمال پر پابندی عائد کردی ہے۔ اب ریاست بھر کے سب رجسٹرار شادی کی قانونی عمر کی تصدیق کے لیے آدھار یا ووٹر آئی ڈی کارڈ کو قابلِ قبول دستاویز کے طور پر استعمال نہیں کرسکیں گے۔ یہ سخت ہدایت اس وقت سامنے آئی ہے جب حکام کو معلوم ہوا کہ بعض والدین اور سرپرست موجودہ نظام کا غلط فائدہ اٹھاتے ہوئے آدھار کارڈ میں عمر سے متعلق تفصیلات میں مبینہ طور پر ہیر پھیر کر رہے تھے۔ اطلاعات کے مطابق، بعض اضلاع میں آدھار کی تفصیلات آن لائن تبدیل کرنے یا اصل دستاویز کی فوٹو کاپیوں میں ردوبدل کے ذریعے نابالغ لڑکیوں اور لڑکوں کو کاغذات میں بالغ ظاہر کرنے کی کوشش کی گئی، جس کے نتیجے میں کم عمری کی شادیوں کی رجسٹریشن کا راستہ ہموار ہوجاتا تھا۔ رجسٹریشن کے اعلیٰ افسر ملائی موہیلان نے واضح کیا کہ یہ کوئی نیا قانون نہیں بلکہ کم عمری کی شادی کی روک تھام سے متعلق ملک میں پہلے سے نافذ قوان...